Farg‘ona viloyati So‘x tumaniga 6-avgust kuni qo‘shni Qirg‘izistondan yana sel keldi.
Gidrometeorologik ilmiy tahlillar, ob-havo prognozlari, tadqiqotlar, ma’ruzalar kanalining yozishicha, sel Tul qishloq hududlaridan oqib o‘tuvchi “Malbutsoy” o‘ng qirg‘oq sel o‘zaniga kelgan.
Oqibatda Rishton—So‘x avtomobil yo‘lining 80 metr qismini loyqa oqiziqlari bilan to‘lib qolishiga sabab bo‘lgan. Qayd etilishicha, hozirda avtomobil yo‘lida yig‘ilib qolgan loyqa oqiziqlari tozalanmoqda.
Eslatib o‘tamiz, 4-avgust kuni Farg‘ona viloyati So‘x tumani “Hushyor” sel o‘zaniga qo‘shni Qirg‘izistondan sel kelgandi. Oqibatda tumandagi ichki yo‘lni bir-biri bilan bog‘laydigan ko‘prikka zarar yetgandi.
“O‘zgidromet” ma’lumotlariga ko‘ra, respublikaning tog‘oldi va tog‘li hududlarida sel kelishi xavfi 6—8-avgust kunlari ham saqlanib qoladi.
Izoh (0)