IKEA Family дастурига 10 йил тўлиши муносабати билан компания фрикаделка (шўрвада пиширилган юмалоқ қийма) ҳидига эга Huvudroll Meatball номли шамни тақдим этди, деб хабар беради «Afisha.uz».
Чекланган миқдордаги маҳсулот Store in a Box — уйда IKEA муҳитини ҳосил қилишга ёрдам берадиган «қутидаги дўкон» жамланмасининг бир қисми бўлиб, «дўконга ташриф буюрилгандаги сенсорли ҳайратни» ўзида бирлаштиради.
IKEA Store in a Box жамланмаси сотилмайди — уларни IKEA Family дастурида рўйхатдан ўтганлар ва 22 августга қадар компания сайти орқали ариза ташлаганлар ютиб олиши мумкин. Ҳозирча жамланмалар фақат АҚШда ўйналмоқда, бироқ IKEA ушбу акциясини бошқа мамлакатларда ҳам жорий этиши мумкин.
Эслатиб ўтамиз, 2021 йилнинг 8 февраль куни Ўзбекистон Президенти Тошкент вилоятларидаги инвестиция лойиҳалари билан танишгани тўғрисида хабар берилганди. Унда давлат раҳбарига IKEA компаниясининг инновацион мебель ишлаб чиқариш фабрикаси қурилиши лойиҳаси ҳам тақдим этилган. Кейинроқ IKEA Ўзбекистонда фабрика очишни режалаштираётганига оид хабарларни рад этганди.
Изоҳ (0)