Dunyo yanada yuqori anomal havo haroratiga va tez-tez yangilanadigan rekordlarga tayyor turishi kerak. Bu haqda Shveysariyaning Syurix Oliy texnika maktabi qoshidagi Atmosfera va iqlim instituti xodimlarining tadqiqotiga asoslanib, Axios xabar berdi.
Olimlar iqlim o‘zgarishining anomal yuqori harorat o‘rnatilishiga ta’siri yetarlicha baholanmaganini aniqladi. Ularning fikriga ko‘ra, global isishning tezlashishi butun dunyoda yanada tez sodir bo‘ladigan kuchli issiqlik to‘lqinlarini keltirib chiqarishi mumkin.
Tadqiqot shuni ko‘rsatdiki, agar karbonat angidrid katta miqdorda ajralib chiqishda davom etsa, rekord darajadagi yuqori harorat 2021—2050-yillarda ikki baravardan yetti baravargacha, 2050—2080-yillarda 3 baravardan 21 baravargacha ko‘proq kuzatilishi mumkin.
Axios ma’lumotlariga ko‘ra, AQShning Tinch okeani sohilida so‘nggi marta harorat ko‘tarilgan paytda Sietl shahridagi harorat Selsiy bo‘yicha 42,2 darajaga yetgan (Farengeyt bo‘yicha 108), oldingi rekord 39,4 daraja edi (103). Portlendda havo harorati 46,6 (Farengeyt bo‘yicha 116) darajagacha ko‘tarilgan, oldingi ko‘rsatkich esa 41,6 (Farengeyt bo‘yicha 107) daraja edi.
Olimlarning ta’kidlashicha, odatda avvalgi rekordlarning yangilanishi bir darajaning ulushlari hisobiga bo‘ladi.
Tadqiqot natijalari issiqxona zararli gazlarini imkon qadar tezroq kamaytirish zarurligiga ishora qilmoqda.
Axios, o‘z navbatida, tadqiqotda quyidagi xulosalar keltirilganini qayd etdi: Issiqxona gazlarining Yer iqlimini qanchalik tez o‘zgartirishi fonida infratuzilma yaratishda avvalgi harorat ko‘rsatkichlarini hisobga olib, qabul qilingan qarorlar samarasiz bo‘lib chiqishi mumkin.
Mavzuga doir:
- Moskva va Sankt-Peterburgda jazirama, Kanadada harorat deyarli +50, Kuvaytda esa taxminan +70. Nimalar bo‘lyapti? Endi doim shunday bo‘ladimi? Rossiyalik iqlimshunos ushbu savollarga javob berdi
- Iqlim o‘zgarishining ayanchli oqibatlarini o‘zida mujassam etgan suratlar
- BMT meteorologlari: “Yaqin besh yil ichida rekord darajada iliq yil kuzatiladi”
Izoh (0)