26-iyul kuni Qashqadaryo viloyati bo‘ylab kuchli shamol kuzatilmoqda. Telegram’dagi “Qashqadaryo ahli” kanali Qarshi shahrida sodir bo‘layotgan qum bo‘ronining foto va videolari bilan bo‘lishdi.
Qayd etilishicha, noqulay ob-havo sababli Qarshi shahrida elektr tizimida uzilishlar ro‘y bergan. Shuningdek, svetoforlar ishida ham nosozliklar kuzatilmoqda, avtomashinalar tirbandligi yuzaga kelgan.
E’lon qilingan videolarning birida svetofor ishlamagan chorrahada tirbandlikni oddiy fuqaro tarqatib, tartibga solayotganini ko‘rish mumkin.
Gidrometeorologik ilmiy tahlillar, ob-havo prognozlari, tadqiqotlar, ma’ruzalar kanalining yozishicha, chang va qum bo‘ronlarining ko‘rinuvchanlikni 50 metrdan pasayib ketishida namoyon bo‘lishi — bu o‘ta xavfli meteorologik hodisa hisoblanadi.
Avvalroq “O‘zgidromet” ba’zi joylarda shamol tezligi 25-30 metr/soniyagacha kuchayishi mumkinligini ma’lum qilgandi.
Izoh (0)