26 июль куни Қашқадарё вилояти бўйлаб кучли шамол кузатилмоқда. Telegram’даги «Қашқадарё аҳли» канали Қарши шаҳрида содир бўлаётган қум бўронининг фото ва видеолари билан бўлишди.
Қайд этилишича, ноқулай об-ҳаво сабабли Қарши шаҳрида электр тизимида узилишлар рўй берган. Шунингдек, светофорлар ишида ҳам носозликлар кузатилмоқда, автомашиналар тирбандлиги юзага келган.
Эълон қилинган видеоларнинг бирида светофор ишламаган чорраҳада тирбандликни оддий фуқаро тарқатиб, тартибга солаётганини кўриш мумкин.
Гидрометеорологик илмий таҳлиллар, об-ҳаво прогнозлари, тадқиқотлар, маърузалар каналининг ёзишича, чанг ва қум бўронларининг кўринувчанликни 50 метрдан пасайиб кетишида намоён бўлиши — бу ўта хавфли метеорологик ҳодиса ҳисобланади.
Аввалроқ «Ўзгидромет» баъзи жойларда шамол тезлиги 25-30 метр/сониягача кучайиши мумкинлигини маълум қилганди.
Изоҳ (0)