Ijtimoiy tarmoqlarda Toshkent viloyati Parkent tumanidagi soyda cho‘milgani uchun “samosud” qilinayotgan ayol aks etgan videoyozuvlar tarqaldi. Hodisa yuzasidan Toshkent viloyati IIBB axborot xizmati rahbari Bobur Tulaganov ma’lumot berdi. Ma’lum bo‘lishicha, videodagi holat bo‘yicha ma’lumot Parkent tumani IIB Navbatchilik qismida 20-iyul kuni ro‘yxatga olingan.
Unga ko‘ra, Parkent tumani “Nevich” mahallasida yashovchi fuqaro M.M. (1984-yilda tug‘ilgan ayol) mahalla hududidan oqib o‘tuvchi Qizilsoy soyida cho‘milayotgan fuqaro D.G. (1987-yilda tug‘ilgan ayol)ni yoniga borib, bu suvdan iste’mol qilishlarini aytgan. M.M fuqaro D.G. bilan janjallashib, uning kiyimlarini zo‘rlik bilan yechib tashlagan, urib-tepib jarohat yetkazgan.
Holat yuzasidan Parkent tumani IIB huzuridagi Tergov bo‘limi tomonidan Jinoyat kodeksining 277-moddasi 1-qismi (bezorilik) va 140-moddasi 1-qismi (haqorat qilish) alomatlari bilan jinoyat ishi qo‘zg‘atilib, tergov harakatlari olib borilmoqda.
“Jarayonda qonun ustuvorligi va qilmishga yarasha jazoning muqarrarligi ta’minlanib, bu haqda batafsil ma’lumot beriladi”, — deyiladi viloyat IIBB matbuot kotibi izohida.
Mavzuga doir:
Izoh (0)