Koronavirus tarqalishni boshlaganidan buyon Britaniyaning The Lancet jurnali koronavirus patogeni odamdan odamga yuqishi haqidagi ilmiy ishlardan xabardor bo‘lgan va ular qo‘l ostida bo‘lgan, ammo ularni yashirgan. Bu haqda Daily Mail tibbiy tadqiqotchi, Wellcome Trust direktori Jeremi Farraraning kitobiga tayanib xabar bermoqda.
Kitob muallifi taxmin qilishicha, pandemiya boshida jurnal noshirlari ega bo‘lgan ma’lumot kasallanish holatlari ko‘payishining oldini olib, millionlab odamlarning hayotini qutqarishi mumkin edi.
Ammo Farrara ta’kidlashicha, The Lancet muharrirlari “har bir soniya muhim bo‘lgan bir paytda” xitoylik tibbiyot mutaxassislarining ilk tadqiqotlarini nashr qilmagan.
Bundan tashqari, Farraraning so‘zlariga ko‘ra, jurnal virus simptomsiz tashuvchilar tomonidan tarqalishi mumkinligi haqidagi ma’lumotni ham e’lon qilmasdan yashirgan. “Dunyo bu haqda darhol xabar topishi kerak edi… Kasallik avj olgan bir vaziyatda tezlik, ehtimol, eng muhim narsadir”, — deya qo‘shib qo‘ydi u.
2020-yil martida The South China Morning Post gazetasi hukumat ma’lumotlariga tayanib, Xitoyda koronavirus bilan kasallanish bo‘yicha birinchi holat avval aytilganidek 2019-yil dekabrida emas, balki undan oldinroq — 17-noyabrda aniqlangani haqida yozgandi.
Taxminlarga ko‘ra, mamlakatda birinchi bo‘lib Xubey provinsiyasining 55 yoshli fuqarosi virusga chalingan. Nashr ma’lumotlari bo‘yicha, 2019-yil noyabrida Xitoyda to‘qqiz kishida kasallik aniqlangan.
COVID-19 dunyo bo‘ylab 2019-yil oxirida tarqalishni boshlagan. Kasallik o‘chog‘i Xitoyning Uxan shahri hisoblanadi.
Izoh (0)