Коронавирус тарқалишни бошлаганидан буён Британиянинг The Lancet журнали коронавирус патогени одамдан одамга юқиши ҳақидаги илмий ишлардан хабардор бўлган ва улар қўл остида бўлган, аммо уларни яширган. Бу ҳақда Daily Mail тиббий тадқиқотчи, Wellcome Trust директори Жереми Фарраранинг китобига таяниб хабар бермоқда.
Китоб муаллифи тахмин қилишича, пандемия бошида журнал ноширлари эга бўлган маълумот касалланиш ҳолатлари кўпайишининг олдини олиб, миллионлаб одамларнинг ҳаётини қутқариши мумкин эди.
Аммо Фаррара таъкидлашича, The Lancet муҳаррирлари «ҳар бир сония муҳим бўлган бир пайтда» хитойлик тиббиёт мутахассисларининг илк тадқиқотларини нашр қилмаган.
Бундан ташқари, Фарраранинг сўзларига кўра, журнал вирус симптомсиз ташувчилар томонидан тарқалиши мумкинлиги ҳақидаги маълумотни ҳам эълон қилмасдан яширган. «Дунё бу ҳақда дарҳол хабар топиши керак эди… Касаллик авж олган бир вазиятда тезлик, эҳтимол, энг муҳим нарсадир», — дея қўшиб қўйди у.
2020 йил мартида The South China Morning Post газетаси ҳукумат маълумотларига таяниб, Хитойда коронавирус билан касалланиш бўйича биринчи ҳолат аввал айтилганидек 2019 йил декабрида эмас, балки ундан олдинроқ — 17 ноябрда аниқлангани ҳақида ёзганди.
Тахминларга кўра, мамлакатда биринчи бўлиб Хубэй провинциясининг 55 ёшли фуқароси вирусга чалинган. Нашр маълумотлари бўйича, 2019 йил ноябрида Хитойда тўққиз кишида касаллик аниқланган.
COVID-19 дунё бўйлаб 2019 йил охирида тарқалишни бошлаган. Касаллик ўчоғи Хитойнинг Ухань шаҳри ҳисобланади.
Изоҳ (0)