Bugun,

  • USD 11095.31
  • RUB 173.84
  • EUR 10772.44

Xitoyda koronavirus bilan kasallanish bo‘yicha dastlabki holat dekabr oyida emas, 17-noyabrda aniqlangani ma’lum bo‘ldi. Bu haqda hukumat tomonidan e’lon qilingan ma’lumotlarga tayanib, South China Morning Post xabar berdi.

Foto: Global Look Press

Foto: Global Look Press

Ta’kidlanishicha, mamlakatda birinchi bo‘lib Xubey provinsiyasida istiqomat qiluvchi 55 yoshli fuqaro koronavirus bilan kasallangan. Noyabr oyida Xitoyda jami to‘qqiz kishi virus bilan kasallangan, biroq hukumat kasallikka chalinganlarning birortasini hozircha “nolinchi bemor” yoki birinchi kasal deb aytmagan.

27-dekabr kuni Xubey provinsiyasidagi shifoxonalardan birining shifokori Chjan Szisyan yangi kasallik koronavirus sabab yuzaga kelganini va mamlakatda 180 kishi uni yuqtirib olganini ma’lum qilgan.

Eslatib o‘tamiz, 2019-yilning 31-dekabr kuni Xitoy hukumati Jahon sog‘liqni saqlash tashkiloti (JSST)ga mamlakatning Uxan shahrida noma’lum pnevmoniya epidemiyasi yuzaga kelgani haqida xabar qilgan edi. Fevral oyining boshida Uxandagi gospitalda koronavirus xavfi haqida birinchilardan bo‘lib ogohlantirgan shifokor Li Venlyan koronavirus oqibatida vafot etgan edi.

Lancet tibbiyot jurnalida e’lon qilingan tadqiqot natijalariga ko‘ra, koronavirus inson organizmida 14 kundan ko‘proq — besh haftaga yaqin yoki 37 kungacha saqlanishi mumkin. Bu kabi ma’lumotlar Uxandagi ikkita yuqumli kasalliklar shifoxonasidagi bemorlarni o‘rganish asosida olingan.

So‘nggi ma’lumotlarga ko‘ra, butun dunyo bo‘ylab koronavirus bilan kasallanganlar soni 128 ming kishidan oshib ketdi. Ulardan 68 mingdan ortig‘i davolanishga muvaffaq bo‘ldi, 4270 nafari vafot etgan.

Izoh
Asosiy yangiliklar
Mahalliy
“100 ga yaqinidan 73 tasi yangilandi”. Dehqonoboddagi jin ko‘priklarning nechtasi yangilanganiga aniqlik kiritildi (video)
Sport
Lionel Messi MLS’ga o‘tsa, liga klublari futbolchining maoshini to‘lashga yordam berishga tayyor
Mahalliy
O‘zbekistonda fevral oyida 25 mlrd so‘mlik noqonuniy davlat xaridlari aniqlandi