Automobili Pininfarina kompaniyasi italiyaliklarning “kelajak mobilligi” va VR-texnologiyani yaratish borasidagi tasavvurlarini uyg‘unlashtirgan konsept-kar — Teorema loyihasini taqdim etdi. Hozircha ixtirochilar faqat renderlar bilan bo‘lishgan bo‘lib, unda silliq aerodinamik kuzov va birorta boshqaruv organi bo‘lmagan noodatiy salonni o‘rish mumkin, deb xabar beradi Motor.
Pininfarina asosiy e’tiborni aerodinamik modelga qaratgan bo‘lib, uning shakli aerodinamik truba va to‘g‘rilashlardan o‘tgan. Natijada Teorema uzun, ammo past ko‘rinishga kirgan: elektrokar uzunligi 5,4 metrga yetadi, bu Mercedes-Maybach S-Class bilan teng demak, balandligi esa 1,4 metrni tashkil etadi. Model asosi Germaniyaning po‘latdan turli komponentlar ishlab chiqarishga ixtisoslashgan Benteler kompaniyasi platformasidan iborat.
Interyeri ham original ko‘rinish olgan: unda beshta o‘rindiq 1+2+2 shaklida joylashgan bo‘lib, ular salon bo‘ylab harakatlana oladi. O‘rindiqlar Poltrona Frau mebel ishlab chiqaruvchisi bilan hamkorlikda yaratilgan va nafaqat salondagi holatini, balki shaklini ham o‘zgartira oladi: odatda rejimda ular old oynaga qaragan, dam olish rejimida esa ularning ikkitasidan to‘laqonli yotoq joyiga aylantirish mumkin.
Futuristik elektrokar seriyali ishlab chiqarilmaydi, chunki u o‘zida kelajak transportiga oid tasavvurlarni mujassam etgan.
Avvalroq Yaponiyaning Honda kompaniyasi sirli model — kelajakdagi mashinalarni yodga soluvchi futuristik konsept-kar uchun patent olgan edi.
Izoh (0)