BMW kompaniyasi 42 ot kuchiga ega elektrodvigatel bilan jihozlangan CE 04 seriyali elektroskuterini taqdim etdi. U skuterga soatiga 0 dan 50 kilometr tezlikka 2,6 soniyada erishish imkonini beradi, deb xabar beradi IXBT.
BMW CE 04 elektroskuterining akkumulyator sig‘imi 8,9 kVt/soatga teng bo‘lib, bu unga bir marta quvvatlanish orqali 130 kilometrga yaqin yo‘l bosish imkoniyatini taqdim etadi. Shuningdek, bir marta quvvatlanishda 100 kilometr masofa yurish imkoniga ega versiya (31 ot kuchi) ham chiqariladi. Ikkala holatda ham maksimal tezlik soatiga 120 kilometrga yetadi. Bu nafaqat shahar sharoitida, balki trassada ham tez harakatlanish uchun yetarli.
Yangi BMW CE 03 akkumulyator va orqa g‘ildirak orasida o‘rnatilgan muntazam magnitli elektrodvigatelga ega. BMW Motorrad kompaniyasi haydovchiga yuqori qulaylik darajasini taqdim etish maqsadida har bir rejim rekuperatsiyasini yaratish uchun keng ko‘lamli sinovlarni o‘tkazdi. Bu optimal ish xarakteristikasi va har qanday yo‘l holatida sifatli harakatlanish imkoniyatini taqdim etadi.
Batareyani 2,3 kilovattli quvvatlantirish qurilmasi orqali oddiy rozetkadan, devor moduli yoki jamoat quvvatlantirish stansiyasi orqali quvvatlash mumkin. Akkumulyatorning to‘liq quvvatlanishi uchun 4 soat-u 20 daqiqa vaqt talab etiladi. Tezkor quvvatlanish jarayoni esa vaqtni 1 soat-u 40 daqiqaga qisqarishini ta’minlaydi. Akkumulyatorni 20 foizdan 80 foizgacha quvvatlash jarayoni esa 45 daqiqada amalga oshadi.
Foydalanuvchilar uch xil rejimda harakatlana oladi (ECO, Rain va Road). Standart jamlanmadan FullHD sifatni qo‘llab-quvvatlovchi 10,25 dyuymli rangli navigatsiya tizimi o‘rin olgan. Shuningdek, kontaktlarni ekranga chiqarish orqali smartfonni ulash imkoniyati mavjud. Smartfonning o‘zini esa namlikdan himoyalangan, quvvatlantirish uchun USB razyomiga ega ventilyatsion bo‘lmasida qoldirsa bo‘ladi.
Xaridorlarga qulaylik darajasi, ABS Pro tizimi, isitish funksiyasining bor yoki yo‘qligidan kelib chiqqan holda skuterning turli versiyalari taqdim etiladi (Avantgarde, Comfort va Dynamic). Qurilma savdosi 2022-yilda 11 990 yevro qiymatida boshlanadi.
Izoh (0)