Internetda Nokia C30’ning dizayni va texnik tavsifi haqida ma’lumot beruvchi hamyonbop qurilma haqida ma’lumotlar tarqaldi, deb xabar beradi Hi-Tech.Mail.ru.
Nokia C30’ga Full HD+ (1080 x 2400) ga sifatni qo‘llab-quvvatlovchi, tomonlar nisbati 20,5:9 bo‘lgan 6,82 dyuymli massiv displey o‘rnatiladi. Smartfon 1,6 gigagertsli takt chastotasiga ega olti yadroli protsessor bazasida ishlaydi, operatsion tizimi — Android 11.
Qurilma foydalanuvchilarga 3 gigabayt tezkor hamda 64 gigabayt ichki xotirada taqdim etiladi. Xotira hajmini kengaytirishda microSD’dan ham foydalanish mumkin. E’tiborli jihatlaridan biri — 6000 mA/soatli ulkan sig‘imli akkumulyatorga egaligida.
Renderlarga ko‘ra, Nokia C30 yashil va oq ranglarda sotuvga chiqadi. Smartfonning old tomonidan 5 megapikselli frontal kamera uchun tomchisimon qirqimni ko‘rish mumkin. Orqa panelida esa barmoq izi skaneri va doira shaklidagi kamera moduli bilan jihozlangan — asosiy datchigi 13 megapiksell.
Taxminlarga ko‘ra, C30 ikkita SIM-karta, Wi-Fi, Bluetooth 4.2 va GPS’ni qo‘llab-quvvatlaydi. Portlari orasidan microUSB va 3,5 millimetrli audiorazyom o‘rin olgan. Qurilmaning o‘lchamlari 169,9x77,8x8,8 millimetrni, og‘irligi 191 grammni tashkil etadi. Smartfonning taqdim etilish sanasi va narxi hozircha noma’lum.
Avvalroq Nokia brendi ostida 4G texnologiyasini qo‘llab-quvvatlaydigan eng arzon telefonlar taqdim etilgan edi.
Izoh (0)