Интернетда Nokia C30’нинг дизайни ва техник тавсифи ҳақида маълумот берувчи ҳамёнбоп қурилма ҳақида маълумотлар тарқалди, деб хабар беради Hi-Tech.Mail.ru.
Nokia C30’га Full HD+ (1080 х 2400) га сифатни қўллаб-қувватловчи, томонлар нисбати 20,5:9 бўлган 6,82 дюймли массив дисплей ўрнатилади. Смартфон 1,6 гигагерцли такт частотасига эга олти ядроли процессор базасида ишлайди, операцион тизими — Android 11.
Қурилма фойдаланувчиларга 3 гигабайт тезкор ҳамда 64 гигабайт ички хотирада тақдим этилади. Хотира ҳажмини кенгайтиришда microSD’дан ҳам фойдаланиш мумкин. Эътиборли жиҳатларидан бири — 6000 мА/соатли улкан сиғимли аккумуляторга эгалигида.
Рендерларга кўра, Nokia C30 яшил ва оқ рангларда сотувга чиқади. Смартфоннинг олд томонидан 5 мегапикселли фронтал камера учун томчисимон қирқимни кўриш мумкин. Орқа панелида эса бармоқ изи сканери ва доира шаклидаги камера модули билан жиҳозланган — асосий датчиги 13 мегапикселл.
Тахминларга кўра, C30 иккита SIM-карта, Wi-Fi, Bluetooth 4.2 ва GPS’ни қўллаб-қувватлайди. Портлари орасидан миcроUSB ва 3,5 миллиметрли аудиоразём ўрин олган. Қурилманинг ўлчамлари 169,9х77,8х8,8 миллиметрни, оғирлиги 191 граммни ташкил этади. Смартфоннинг тақдим этилиш санаси ва нархи ҳозирча номаълум.
Аввалроқ Nokia бренди остида 4G технологиясини қўллаб-қувватлайдиган энг арзон телефонлар тақдим этилган эди.
Изоҳ (0)