AnTuTu benchmarki iyun oyining narx va samaradorlik bo‘yicha ega top smartfonlari reytingi bilan bo‘lishdi, deb xabar beradi IXBT.
May oyidagi reyting bilan taqqoslanganda, eng qimmat kategoriyadan tashqari yetakchilar keskin o‘zgarganini ko‘rish mumkin. Eng hamyonbop yo‘nalishda 1999 yuangacha (308 dollar) birinchi o‘rin Redmi Note 10 Pro’ning 6/128 gigabaytli versiyasi nasib etdi. Ikkinchi o‘rinni Realme Q3 Pro egallagan bo‘lsa, uchinchi o‘rinni Redmi K40 band qildi.
2000 dan 2999 yuangacha (309 dan 462 dollargacha) bo‘lgan toifaga kiruvchi smartfonlar yetakchisi deya 8/128 gigbaytli iQOO Neo5 Vitality Edition tan olingan. Ikkinchi o‘rin Redmi K40 Game Enhanced Edition’ga, uchinchi o‘rin esa Realme GT Neo Flash Edition’ga nasib etgan.
3000 dan 3999 yuangacha (463 dollardan 616 dollargacha) bo‘lgan smartfonlar orasida birinchilikni 8/128 gigabaytli OnePlus 9 modeli egalladi.
4000 dan 4999 yuangacha (617 dan 770 dollargacha) bo‘lgan toifada 8/128 gigabaytli Vivo X60 Pro+ modeli birinchilikka loyiq ko‘rildi.
770 dollardan yuqori eng qimmat turuvchi smartfonlar qatoriga Oppo Find X3 Pro yetakchilik qilishni davom etmoqda. Bu safar modelning 12/256 gigabaytli versiyasi emas, balki 8/256 gigabaytli versiyasi peshqadamga aylangan. Ikkinchi o‘rinda Xiaomi Mi 11 Ultra joylashgan bo‘lsa, uchinchi pog‘onani ham Xiaomi modeli pand etgan — Mi 10 Extreme Commemorative Edition.
Izoh (0)