Quyoshdan himoyalovchi elektron ko‘zoynak yaratildi. U bitta harakat bilan kitob o‘qishga mo‘ljallangan ko‘zoynakka aylana oladi

KickStarter saytida 32°N nomli ko‘zoynaklarni yaratish uchun yo‘lga qo‘yilgan mablag‘ yig‘ish jarayonlari yakunlanmoqda. Ixtirochilar o‘z mahsulotini “bir urinishda o‘qish uchun mo‘ljallangan ko‘zoynakka aylanuvchi quyoshdan himoyalaydigan ko‘zoynak” deya ta’riflamoqda, deb xabar beradi IXBT.

Ko‘zoynaklar siri — optik kuchni qo‘yilgan kuchlanish ta’sirida o‘zgartira oladigan faol soha mavjudligida. Boshqaruv “dujka”dagi sensor bo‘ylab sirpanish orqali amalga oshiriladi. O‘zgarish diapazoni — +2 dioptriygacha. Mobil dastur orqali linzalar yonganda qabul qiladigan aniq bir qiymatni sozlash mumkin. Kattartirishni o‘chirish uchun, “dujka” bo‘ylab qarama-qarshi yo‘nalishga siljitish kifoya.

Ko‘zoynaklarni qo‘lga kiritish uchun qo‘yiladigan minimal badal puli 229 dollarni tashkil etadi. Ayni vaqtda 276 ming dollardan ortiq mablag‘ to‘plagan, bu dastlabki mo‘ljaldan 10 baravarga ko‘p demak. Loyiha mualliflari ko‘zoynaklarni 2022-yilning aprelidan yetkazib berishni va’da qilgan. Ulgurji savdoda ko‘zoynaklar narxi 449 dollarni tashkil etadi.

Eslatib o‘tamiz, 2020-yilning sentabrida Kanadada sun’iy intellektga ega ko‘zoynak yaratilgan edi. U o‘z egasining dangasalik qilishiga yo‘l qo‘ymaydi.