Hindiston bosh vaziri Narendra Modi Vazirlar mahkamasida katta o‘zgarishlarni amalga oshirdi, deb yozadi Deutsche Welle.
Hukumatda keng ko‘lamli kadrlar almashinuvi doirasida biryo‘la 12 nafar vazir iste’foga chiqarildi. Ular orasida sog‘liqni saqlash vaziri Xarsh Vardxon ham bor. U COVID-19 pandemiyasi paytida markaziy hukumatning g‘ayriinsoniy va savodsiz harakatlari uchun ko‘pchilik tomonidan tanqid qilingan.
Twitter, WhatsApp singari yirik texnologik kompaniyalar va hukumat o‘rtasidagi mojaroga rahbarlik qilgani bilan tanilgan adliya va axborot texnologiyalari vaziri Ravi Shankar Prasad ham o‘z lavozimini tark etdi.
Axborot va teleradio vaziri Prakash Javadekar, ta’lim vaziri Ramesh Poxriyal Nishank, mehnat va bandlik vaziri Santosh Gangvar, shuningdek, kimyo sanoati va o‘g‘itlar vaziri Sadananda Govta ham iste’foga chiqdi.
Shu bilan birga, o‘zgarishlar paytida 43 nafar vazir qasamyod qilib, davlat sirlarini saqlashga va’da berdi. Hozirgi 52 vazir bilan taqqoslaganda, yangi hukumatda 77 vazir bo‘ladi. Qayd etish joizki, Hindiston vazirlarining maksimal soni 81 nafargacha bo‘lishi mumkin.
Ushbu almashinuvlar Modi bosh vazir lavozimini egallagan 2014-yildan buyon eng katta o‘zgarish sifatida qayd etildi.
Izoh (0)