Bugun,

  • USD 11095.31
  • RUB 173.84
  • EUR 10772.44

Ispaniya Qurolli kuchlari bosh shtabi boshlig‘i general Migel Anxel Vilyarroya o‘zining koronavirusga qarshi emlanishi bilan bog‘liq shov-shuv fonida iste’foga chiqdi, deb yozadi “RBK”.

General Migel Anxel Vilyarroya (chapda) va Ispaniya mudofaa vaziri Margarita Robles

General Migel Anxel Vilyarroya (chapda) va Ispaniya mudofaa vaziri Margarita Robles
Foto: Europa Press

General o‘z qo‘mondonligi ostidagi boshqa yuqori mansabdorlar bilan birgalikda COVID-19’ga qarshi belgilangan tartibdan tashqarida emlanganlikda ayblandi.

Shu munosabat bilan Vilyarroya Ispaniya mudofaa vaziri Margarita Roblesga iste’fo haqida ariza yubordi. Harbiy idora rahbari uni qabul qildi. O‘z xatida general belgilangan protokollarga rioya qilganini va koronavirusga qarshi dorini qabul qilishda o‘zining imtiyozli sharoitidan foydalanmaganini aytgan.

El Pais yozishicha, Vilyarroya o‘zini va mamlakat bosh shtabi qo‘mondonligi ostidagi boshqa harbiy xizmatchilarni emlashni buyurgan, holbuki ular aholini koronavirusga qarshi emlash bo‘yicha birlamchi guruhga kirmaydi.

Bu ma’lumot generalga nisbatan tanqidlar to‘lqinini hosil qildi. Nashrga ko‘ra, Robles bosh shtab boshlig‘ining iste’fosi haqida sal avvalroq qaror qabul qilgan. Ammo rahbariyat o‘zgarishi Ispaniya Vazirlar kengashi yig‘ilishidan keyingina amalga oshadi, majlis esa 26-yanvarda bo‘lib o‘tadi.

Ispaniya Sog‘liqni saqlash vazirligi ma’lumotlariga ko‘ra, pandemiya boshidan buyon mamlakatda qariyb 2,6 million kishi COVID-19’ga chalingan, 55 ming kishi vafot etgan. Mamlakatda 1,3 million dozadan ortiq vaksina tarqatib bo‘lingan, 1,1 milliondan ziyod odam emlangan.

Izoh
Asosiy yangiliklar
Mahalliy
Toshkent viloyatida 2023-yilda 9 ming gektar maydon qisqartirilib, 25 sotixdan aholiga beriladi
Mahalliy
Toshkent viloyatida kelin qaynonasiga 20 marta pichoq urdi (video)
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirdi