Ҳиндистон бош вазири Нарендра Моди Вазирлар маҳкамасида катта ўзгаришларни амалга оширди, деб ёзади Deutsche Welle.
Ҳукуматда кенг кўламли кадрлар алмашинуви доирасида бирйўла 12 нафар вазир истеъфога чиқарилди. Улар орасида соғлиқни сақлаш вазири Харш Вардхон ҳам бор. У COVID-19 пандемияси пайтида марказий ҳукуматнинг ғайриинсоний ва саводсиз ҳаракатлари учун кўпчилик томонидан танқид қилинган.
Twitter, WhatsApp сингари йирик технологик компаниялар ва ҳукумат ўртасидаги можарога раҳбарлик қилгани билан танилган адлия ва ахборот технологиялари вазири Рави Шанкар Прасад ҳам ўз лавозимини тарк этди.
Ахборот ва телерадио вазири Пракаш Жавадекар, таълим вазири Рамеш Похриял Нишанк, меҳнат ва бандлик вазири Сантош Гангвар, шунингдек, кимё саноати ва ўғитлар вазири Садананда Говта ҳам истеъфога чиқди.
Шу билан бирга, ўзгаришлар пайтида 43 нафар вазир қасамёд қилиб, давлат сирларини сақлашга ваъда берди. Ҳозирги 52 вазир билан таққослаганда, янги ҳукуматда 77 вазир бўлади. Қайд этиш жоизки, Ҳиндистон вазирларининг максимал сони 81 нафаргача бўлиши мумкин.
Ушбу алмашинувлар Моди бош вазир лавозимини эгаллаган 2014 йилдан буён энг катта ўзгариш сифатида қайд этилди.
Изоҳ (0)