Rossiyaning Volgograd viloyatida 14 nafar O‘zbekiston fuqarosi ishtirokida yo‘l-transport hodisasi yuz bergani haqida xabar berilgandi. “Dunyo” axborot agentligining Rostovdagi O‘zbekiston bosh konsulligiga tayanib xabar berishicha, “Gazel”da 13 nafar o‘zbekistonlik bo‘lgan.
Gorodishenskiy tumani Moskva—Volgograd federal magistral yo‘lining 923-kilometrida 30-iyun kuni ertalab soat 07:00 da 1997-yilda tug‘ilgan O‘zbekiston fuqarosi K.K. boshqaruvidagi “Gazel” rusumli avtomashina ariqqa ag‘darilib ketgan.
Haydovchi Volgograd shifoxonasining reanimatsiyasiga joylashtirilgan. Qolgan yo‘lovchilar yengil jarohatlar olgan. Ular tibbiy ko‘rikdan o‘tkazish uchun shifoxonaga yuborilgan.
Qayd etilishicha, vaziyat bosh konsullik nazorati ostiga olingan. Ushbu va boshqa savollar bo‘yicha bosh konsullikka quyidagi telefonlar orqali murojaat qilish mumkin: +7 (918) 554-04-76, +7 (988) 586-70-35.
Izoh (0)