Россиянинг Волгоград вилоятида 14 нафар Ўзбекистон фуқароси иштирокида йўл-транспорт ҳодисаси юз бергани ҳақида хабар берилганди. «Дунё» ахборот агентлигининг Ростовдаги Ўзбекистон бош консуллигига таяниб хабар беришича, «Газель»да 13 нафар ўзбекистонлик бўлган.
Городишенский тумани Москва—Волгоград федерал магистрал йўлининг 923-километрида 30 июнь куни эрталаб соат 07:00 да 1997 йилда туғилган Ўзбекистон фуқароси К.К. бошқарувидаги «Газель» русумли автомашина ариққа ағдарилиб кетган.
Ҳайдовчи Волгоград шифохонасининг реанимациясига жойлаштирилган. Қолган йўловчилар енгил жароҳатлар олган. Улар тиббий кўрикдан ўтказиш учун шифохонага юборилган.
Қайд этилишича, вазият бош консуллик назорати остига олинган. Ушбу ва бошқа саволлар бўйича бош консулликка қуйидаги телефонлар орқали мурожаат қилиш мумкин: +7 (918) 554-04-76, +7 (988) 586-70-35.
Изоҳ (0)