Samarqand viloyati Toyloq tumanida yashovchi ayolni fohishalik qilish uchun xorijga jo‘natayotgan ayol qo‘lga tushdi, deya xabar bermoqda viloyat IIB matbuot xizmati.
Qayd etilishicha, 2021-yilning 25-iyun kuni Samarqand viloyati IIB tomonidan odam savdosiga qarshi kurashish bo‘yicha Toyloq tumanida tezkor tadbir o‘tkazildi.
Unga ko‘ra, tumandagi 35 yoshli ayol 29 yoshli ayolni fohishalik qilish uchun Tailandga jo‘natmoqchi bo‘lgan.
Buning evaziga undan 1,5 ming dollar so‘rab, pulni olayotgan vaqtida ushlandi.
Bundan avval Buxoroda 40 ming so‘m evaziga uyida fohishaxona tashkil etgan ayolga nisbatan jinoyat ishi qo‘zg‘atilgani, Xorazmda uch nafar qizni Dubayga fohishalik qilish uchun jo‘natishga uringan shaxslar qo‘lga olingani hamda Toshkent viloyatida ikki ayolni Turkiyaga fohishalik qilish uchun jo‘natayotgan shaxs ushlangani haqida xabar berilgandi.
Izoh (0)