Toshkent viloyati Nurafshon shahrida qalbaki xorijiy valyutani muomalaga kiritayotgan shaxslar ushlandi, deya xabar bermoqda Bosh prokuratura huzuridagi departament matbuot xizmati.
Qayd etilishicha, departamentning Nurafshon shahar bo‘limi tomonidan qalbaki valyuta qimmatliklarining muomalaga kiritilishining oldini olish maqsadida DXX va IIB xodimlari bilan hamkorlikda o‘tkazilgan tezkor tadbirda fuqaro N.S. va boshqalar oldindan til biriktirib, boshqa bir fuqaroga qalbaki 1 100 AQSH dollarini 500 AQSH dollariga sotgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Bundan avval Uchtepada qalbaki 6350 dollarni muomalaga kiritmoqchi bo‘lgan shaxs aniqlangani, Farg‘onada 99 dona 100 ming so‘mlik qalbaki kupyurani sotgan shaxsga jinoyat ishi qo‘zg‘atilgani hamda Farg‘onada qalbaki 25 ming dollarni muomalaga kiritmoqchi bo‘lgan shaxslar ushlangani haqida xabar berilgandi.
Izoh (0)