Toshkent tibbiyot akademiyasi rektori, professor Alisher Shodmonov koronavirusga qarshi emlandi, deya xabar bermoqda SSV matbuot xizmati.
“Butun dunyo, xususan, mamlakatimizda bir yildan ortiq davom etayotgan pandemiya davri jamiyatimizga o‘zining salbiy ta’sirini ko‘rsatmay qolmayapti. Uch oydan oshiq davom etayotgan vaksinatsiya jarayonlari yurtimizda bu ta’sirni kamaytirishda asosiy omil bo‘lib turibdi. Shu sababli Sog‘liqni saqlash vazirligi tashabbusi bilan ‘Men vaksina oldim’ (#men_vaksina_oldim) aksiyasi boshlandi”, – deyiladi SSV xabarida.
Qayd etilishicha, aksiya doirasida sog‘liqni saqlash vazirining o‘rinbosari – Toshkent shahar Sog‘liqni saqlash bosh boshqarmasi boshlig‘i Anvar Alimov koronavirus infeksiyasiga qarshi ZF-UZ-VAC2001 vaksinasi bilan emlandi.
Shuningdek, Toshkent tibbiyot akademiyasi rektori, professor Alisher Shodmonov va akademiya prorektori, professor Ma’ruf Karimov koronavirus infeksiyasiga qarshi emlandi.
Eslatib o‘tamiz, 3-noyabr kuni Alisher Shodmonov sog‘liqni saqlash vaziri lavozimidan olingan. Shodmonov o‘rniga uning o‘rinbosari Abduhakim Xojiboyev vazir etib tayinlangan.
Bundan avval Toshkentda 18 yoshdan oshganlar koronavirusga qarshi ommaviy emlanishi hamda O‘zbekistonda hozirga qadar xavf guruhiga kiruvchi aholining qanchasi emlangani to‘g‘risida ma’lumot berililgani haqida xabar qilingandi
Izoh (0)