Xitoyda mahalliy kompaniyalar tomonidan chegirmalar e’lon qilingan 618 nomli yozgi savdolar davom etmoqda. Xususan, Xiaomi o‘z smartfonlarni narxini arzonlashtirgan va bu ularning yanada ommalashishiga ta’sir ko‘rsatmay qolmadi. Xiaomi Group rahbari Lyu Veybing tomonidan e’lon qilingan ma’lumotlarga ko‘ra, kompaniyaning oltita modeli yirik savdo maydonchalarida o‘z narxi kategoriyasi bo‘yicha bestsellerga aylangan, deb xabar beradi Esquire.
Ushbu modellar: Mi 11 Pro va Mi 11 Ultra (775 dollar), Mi 11 (620 dollar), Mi 10S (465 dollar), Redmi K40 (310 dollar), Redmi Note 10 Pro (230 dollar) va Redmi Note 10 (150 dollar).
Iyunning 18 kuni davomida (618 chegirmalari doirasida) Xitoyda qariyb 3 milliard dollarlik Xiaomi smartfonlari sotilgan.
Eslatib o‘tamiz, may oxirlarida Xiaomi kompaniyasi hozirga qadar butun dunyo bo‘ylab Redmi Note seriyasidagi smartfonlarning 200 milliondan ortiq modelini sotganini ma’lum qilgandi.
Ma’lumot uchun, 2021-yilning dastlabki uch oyi ichida butun dunyo bo‘ylab Janubiy Koreyaning Samsung kompaniyasi eng ko‘p smartfon sotishga muvaffaq bo‘lgan — 77 million dona (bu bozorning 23 foizi demak).
Izoh (0)