Yangi Leitz Phone 1 smartfoni brendning mashhur qizil nuqtasi butun boshli smartfonga taalluqli bo‘lgan birinchi qurilmaga aylandi. Bunga qadar Leica o‘z nomini faqat turli qurilmalardagi kameralar tizimiga berib kelayotgandi, deb xabar beradi Hi-Tech.Mail.ru.
Ta’kidlanishicha, smartfonni mobil suratga olish sohasidagi yutuq deb atash mumkin. Unga 20 megapikselga ega bir dyuymli sensor o‘rnatilgan. Oldinlari bu kabi modullar faqat “sovundon” deb ataluvchi ixcham fotoapparatlarda bo‘lgan. Shu bilan birga, qiziq jihati Leitz Phone 1 qalinligi boshqa zamonaviy smartfonlarnikidan farq qilmaydi — 9,5 millimetr.
Smartfonning yana bir o‘ziga xos jihati — bu uning displeyi. U Pro IGZO OLED nomli yangi avlod matritsasiga ega bo‘lgan bo‘lib, u displeyning dinamik yangilanish chastotasi 1 gertsdan 240 gertsgacha bo‘lishini, eng yuqori yorqinlik esa 2000 nitgacha yetishini ta’minlaydi. Auqos R6 kabi smartfon Snapdragon 888 protsessorida ishlaydi, 12 gigabayt tezkor va 256 gigabayt ichki xotiraga ega.
“Smartfon Sharp va SoftBank bilan hamkorlikda faqatgina yapon bozori uchun ishlab chiqarilgan. Telefon ushbu mamlakatda 2021-yilning uchinchi choragida sotuvga chiqadi”, — deydi Leica’ning Rossiyadagi rasmiy vakili.
18-iyundan boshlab Leica Leitz Phone 1’ni 1700 dollar evaziga oldindan buyurtma qilish mumkin.
Avvalroq Sharp kompaniyasi eng katta kameraga ega smartfonni taqdim etgani, bir dyuymli sensorga ega kamera yaratishga Germaniyada premium kameralarni ishlab chiqarish bilan shug‘ullanuvchi Leica kompaniyasi yordam bergani ma’lum qilingandi.
Izoh (0)