Yaponiyaning Bandai kompaniyasi ilk tamagochi taqdim etilganining 25 yilligi munosabati bilan parvarishlash mumkin bo‘lgan virtual hayvonga ega o‘yinchoqning yangi versiyasi — Tamagotchi Smart’ni taqdim etdi, deb xabar beradi Esquire.
Ushbu o‘yinchoqda shagomer, shuningdek, virtual hayvonni silab-siypalash mumkin bo‘lgan qurilmalar va sensorli ekran o‘rtasida ma’lumotlar almashish imkoniyatini beradigan funksiyalar mavjud. Bundan tashqari, ovozli boshqaruv ham bor, biroq tamagochining yangi versiyasi nutqni taniy olmaydi.
O‘yinchoqning yon tomonidan TamaSma-kartochkasi uchun razyom bor bo‘lib, u o‘yinchoqqa yangi virtual hayvonlar qo‘shish va aksessuarlar ulash imkonini beradi.
Tamagotchi Smart korall va feruza, shuningdek, cheklangan oq ranglarida sotuvga chiqadi. Qurilma narxi 6380 iyena (58 dollar). Yangi virtual hayvonga ega TamaSma kartochkasi narxi 1100 iyena (10 dollar)ni tashkil etadi. Tamagotchi Smart Yaponiyada 2021-yil 23-noyabrdan sotuvga chiqishi kutilmoqda.
Izoh (0)