Xiaomi 18 кун ичида Хитойда 3 млрд долларлик смартфон сотди

Хитойда маҳаллий компаниялар томонидан чегирмалар эълон қилинган 618 номли ёзги савдолар давом этмоқда. Хусусан, Xiaomi ўз смартфонларнинг нархини арзонлаштирган ва бу уларнинг янада оммалашишига таъсир кўрсатмай қолмади. Xiaomi Group раҳбари Лю Вейбинг томонидан эълон қилинган маълумотларга кўра, компаниянинг олтита модели йирик савдо майдончаларида ўз нархи категорияси бўйича бестселлерга айланган, деб хабар беради Esquire.

Ушбу моделлар: Mi 11 Pro ва Mi 11 Ultra (775 доллар), Мi 11 (620 доллар), Мi 10S (465 доллар), Redmi К40 (310 доллар), Redmi Note 10 Pro (230 доллар) ва Redmi Note 10 (150 доллар).

Июннинг 18 куни давомида (618 чегирмалари доирасида) Хитойда қарийб 3 миллиард долларлик Xiaomi смартфонлари сотилган.

Эслатиб ўтамиз, май охирларида Xiaomi компанияси ҳозирга қадар бутун дунё бўйлаб Redmi Note сериясидаги смартфонларнинг 200 миллиондан ортиқ моделини сотганини маълум қилганди.

Маълумот учун, 2021 йилнинг дастлабки уч ойи ичида бутун дунё бўйлаб Жанубий Кореянинг Samsung компанияси энг кўп смартфон сотишга муваффақ бўлган — 77 миллион дона (бу бозорнинг 23 фоизи демак).