Nokia brendi ostida 4G texnologiyasini qo‘llab-quvvatlaydigan eng arzon telefonlar taqdim etildi, deb xabar beradi Hi-Tech.Mail.ru.
Ikkala yangi modelning o‘ziga xos jihatlaridan biri — 4G VoLTE tarmoqlarida yuqori aniqlikda ovozni uzata olish imkoniyati.
Ixcham Nokia 105 4G modeliga 1,8 dyuymli QQVGA (120x160 piksel) ekran va sig‘imi 1020 mA/soatga teng akkumulyator o‘rnatilgan. Shuningdek, fonar va FM-radio ham mavjud. Menyu va shriftlarni kattalashtirish, shuningdek, ekrandagi matnlar va foydalanuvchi harakatlarini ovoz chiqarib o‘qiydigan funksiyalari ham mavjud.
Nokia 105 4G narxi 2690 rublni (37 dollar) tashkil etadi.
Nokia 110 4G’ning esa funksiyalari ko‘proq: kamera, fonar, klassik o‘yinlar, internet, FM-radio (naushniklar bilan va ularsiz ham ishlay oladi), videopleyer, shuningdek, MP3-pleyer va 32 gigabaytgacha MicroSD xotirasini qo‘llab-quvvatlash. Qolgan jihatlari bilan u Nokia 105’dan farq qilmaydi.
Nokia 110 4G modelining sariq, qora va feruza ranglarini 2990 rublga (41 dollar) xarid qilish mumkin.
Mavzuga doir:
Izoh (0)