Futbol bo‘yicha Amerika Kubogi—2021 musobaqasining 2-turidan o‘rin olgan ikki o‘yin 18-iyun kuni bo‘lib o‘tdi.
Braziliya terma jamoasi Peruga qarshi bahs olib bordi va raqibini yirik hisobda taslim etdi. 12-daqiqada Aleks Sandro jamoasini oldinga olib chiqdi. Ikkinchi bo‘limda Neymar, Everton Ribeyro va Risharlisonning gollari hisobni yirik ko‘rinishga olib keldi.
Guruhning yana bir o‘yinida Kolumbiya Venesuela bilan durang o‘ynadi.
2-turdan keyin Braziliya 6 ochko bilan yakka peshqadam bo‘lib turibdi. Keyingi o‘rindagi Kolumbiyada 4 ochko bor.
Amerika Kubogi—2021
2-tur bahsi
Braziliya — Peru 4:0
Gollar: 1:0 – 12 Aleks Sandro, 2:0 – 68 Neymar, 3:0 – 89 Everton Ribeyro, 4:0 – 90+3 Risharlison.Braziliya – Ederson, Danilo (Emerson, 84), Militao, Tiago Silva, Aleks Sandro (Lodi, 77), Gabriel Jezus (Firmino, 72), Fabinyo, Fred, Everton (Everton Ribeyro, 46), Gabriel Barboza (Risharlison, 46), Neymar.
Peru – Galese, Korso, Ramos, Abram, Lopes, Tapiya, Yotun (Arias, 74), Karrilyo, Penya (Iberiko, 67), Kueva (Tavara, 74), Lapadula (Valera, 67).
Ogohlantirishlar: Ramos (23), Yotun (44), Gabriel Jezus (59), Tavara (82).
Kolumbiya – Venesuela 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)