Futbol bo‘yicha Yevropa chempionati guruh bosqichi 2-turi doirasida Belgiya terma jamoasi 17-iyun, payshanba kuni Daniya bilan bahs yuritdi.
Kopengagenda o‘tgan o‘yin tezkor gol bilan boshlandi. Yusuf Poulsen 2-daqiqada Daniyani hisobda oldinga olib chiqdi. Biroq ikkinchi bo‘lim avvalida zaxiradan o‘yinga qo‘shilgan Kevin de Bryuyne o‘yin taqdirini butunlay o‘zgartirib yubordi: u 54-daqiqada Torgan Azarga gol urish imkoniyatini yaratib bergan bo‘lsa, 70-daqiqaga kelib, kuchli zarbasi bilan daniyaliklar darvozasini dog‘da qoldirdi va jamoasini keyingi bosqichga olib chiqdi.
Guruhning birinchi bahsida Rossiya Finlyandiyadan ustun kelgandi. 2-turdan keyin B guruhidagi holat va guruh taqvimi:
Yevro—2020
Guruh bosqichi, 2-tur
17-iyun, payshanba
Daniya — Belgiya 1:2
Gollar: 1:0 – 2 Poulsen, 1:1 – 54 Azar, 1:2 – 70 de Bryuyne.Daniya: Shmeyxel, Vestergor (Olsen, 84), Kristensen, Kyer, Vass (Larsen, 62), Hyoybyerg, Dileyni (Yensen, 72), Damsgor (Kornelius, 72), Mele, Poulsen (Nergor, 62), Breytueyt.
Belgiya: Kurtua, Vertongen, Alderveyreld, Denayer, Menye, Tilemans, Dendonker (Vitsel, 59), Torgan Azar, Karrasko ( Eden Azar, 59), Lukaku, Mertens (de Bryuyne, 46).
Ogohlantirishlar: Vass (59), Damsgor (69), Yensen (82).
Izoh (0)