Madridning “Real” klubini tark etayotgan himoyachi Serxio Ramos 17-iyun, payshanba kuni xayrlashuv marosimida ishtirok etdi. Unda futbolchi so‘zga chiqib, o‘z kechinmlari bilan o‘rtoqlashdi.
Men bilan birga bo‘lgan barchaga tashakkur aytaman. Jamoa, prezident (Florentino Peres), murabbiylar va klub xodimlariga rahmat aytishni xohlardim.Serxio Ramos “Real Madrid”da 16 mavsum ishtirok etib, 641 o‘yinda maydonga tushgan. Unda himoyachi 101 ta gol va 40 ta golli uzatmani o‘z hisobiga yozdirib qo‘ygan.Hozir sizlarga qarab, o‘z emotsiyalarimni ushlab turolmayapman. “Real” bilan xayrlashish vaqti keldi va bu hayotimdagi eng og‘ir onlardan biri.
Muxlislarga ham rahmat aytaman. Shu yerda, “Santyago Bernabeu”da xayrlashishni istagandim. Biroq siz doim mening qalbimda qolasiz.
Hayotimdagi eng zavqli palla yakunlanmoqda. Bunaqasi endi hech qachon bo‘lmaydi. O‘zimning eng yuqori darajamni namoyish qilgan holda yana bir nechta sovringa ega chiqmoqchiman.
Barchaga katta rahmat. Xayrlashmayman, ko‘rishguncha deyman, chunki ertami-kech qaytaman.
Serxio Ramos, futbolchi
Serxio “Qirollik klubi” bilan birga 5 ta La Liga, 4 ta Chempionlar Ligasi, 2 ta Ispaniya Kubogi, 4 ta Klublar o‘rtasidagi JCh, 4 ta Ispaniya Superkubogi va 3 ta UEFA Superkubogi (umumiy hisobda 22 ta sovrin) sohibiga aylangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)