Футбол бўйича Америка Кубоги—2021 мусобақасининг 2-туридан ўрин олган икки ўйин 18 июнь куни бўлиб ўтди.
Бразилия терма жамоаси Перуга қарши баҳс олиб борди ва рақибини йирик ҳисобда таслим этди. 12-дақиқада Алекс Сандро жамоасини олдинга олиб чиқди. Иккинчи бўлимда Неймар, Эвертон Рибейро ва Ришарлисоннинг голлари ҳисобни йирик кўринишга олиб келди.
Гуруҳнинг яна бир ўйинида Колумбия Венесуэла билан дуранг ўйнади.
2-турдан кейин Бразилия 6 очко билан якка пешқадам бўлиб турибди. Кейинги ўриндаги Колумбияда 4 очко бор.
Америка Кубоги—2021
2-тур баҳси
Бразилия — Перу 4:0
Голлар: 1:0 – 12 Алекс Сандро, 2:0 – 68 Неймар, 3:0 – 89 Эвертон Рибейро, 4:0 – 90+3 Ришарлисон.Бразилия – Эдерсон, Данило (Эмерсон, 84), Милитао, Тиаго Сильва, Алекс Сандро (Лоди, 77), Габриэль Жезус (Фирмино, 72), Фабиньо, Фред, Эвертон (Эвертон Рибейро, 46), Габриэль Барбоза (Ришарлисон, 46), Неймар.
Перу – Галесе, Корсо, Рамос, Абрам, Лопес, Тапия, Йотунь (Ариас, 74), Каррильо, Пеня (Иберико, 67), Куэва (Тавара, 74), Лападула (Валера, 67).
Огоҳлантиришлар: Рамос (23), Йотунь (44), Габриэль Жезус (59), Тавара (82).
Колумбия – Венесуэла 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)