Futbol bo‘yicha Yevropa chempionati guruh bosqichi 1-turi doirasida Niderlandiya 13-iyun, yakshanba kuni Ukraina bilan bahs yuritdi.
Amsterdamda o‘tgan bellashuvda umumiy hisobda 5 ta gol urildi. Qator hujumlardan keyin 52-daqiqada Jorjinyo Veynaldum hisobni ochgan bo‘lsa, oradan hech qancha o‘tmasdan Vaut Vegorst oradagi farqni oshirdi. Shundan so‘ng ukrainlar ketma-ket ikkita gol urib, muvozanatni tiklashga muvaffaq bo‘ldi. Andrey Yarmolenko shedevr zarbasi bilan darvozabonni dog‘da qoldirgan bo‘lsa, Roman Yaremchuk standart vaziyatda o‘z nomini tabloga yozdirib qo‘ydi. Biroq o‘yin yakuni arafasida Denzel Dumfris o‘yindagi so‘nggi golni urib, “uchar gollandlar”ga g‘alaba keltirdi.
Avvalroq guruhning birinchi o‘yinida Avstriya Shimoliy Makedoniyadan ustun kelgandi.
1-turdan keyin C guruhidagi holat va guruh taqvimi:
Yevro—2020
Guruh bosqichi, 1-tur
13-iyun, yakshanba
Niderlandiya – Ukraina 3:2
Gollar: 1:0 – 52 Veynaldum, 2:0 – 58 Vegorst, 2:1 – 75 Yarmolenko, 2:2 – 79 Yaremchuk, 3:2 – 85 Dumfris.Niderlandiya: Stekelenburg, Dumfris, de Vrey, Blind (Ake, 64), van Anholt (Veyndal, 64), Veynaldum, de Yong, de Ron, Timber (Veltman, 88), Depay (Malen, 90), Vegorst (de Yong, 88).
Ukraina: Bushan, Zabarniy, Matviyenko, Mikolenko, Karavayev, Zinchenko, Sidorchuk, Zubkov (Marlos, 13; Shaparenko, 64), Malinovskiy, Yarmolenko, Yaremchuk.
Ogohlantirish: Sidorchuk (90).
Izoh (0)