Kaliforniya shtatining (AQSh) Glendeyl shahrida Toshkent vaqti bilan 13-iyun tongida UFC 263 musobaqasi bo‘lib o‘tdi.
Musobaqaning markaziy jangi o‘rta vazn toifasi chempioni Israel Adesanya va Marvin Vettori o‘rtasida kechdi. Unda Adesanya hakamlar qaroriga ko‘ra g‘olib deb topildi va chempionlik kamarini o‘zida saqlab qoldi.
Kechaning ikkinchi asosiy jangida Deyvison Figeredo Brendon Morenoga yutqazib, mutlaq yengil vazn kamarini boy berib qo‘ydi.
Yana bir qiziqarli jang Terrens Makkini va Mett Frevola o‘rtasida kechdi. Unda Makkini raqibini birinchi raundning 7-soniyasidayoq nokautga uchratdi.
UFC 263 janglarini bu yerda tomosha qilish mumkin — video
Musobaqa natijalari bilan tanishing:
Asosiy kard
- Israel Adesanya (21-1) ochkolar hisobiga Marvin Vettorini (17-5-1) yengdi — (50:45, 50:45, 50:45);
- Brendon Moreno (19-5-2) 3-raundda bo‘g‘ish usulini qo‘llab, Deyvison Figeredoni (20-2-1) taslim etdi;
- Leon Edvards (19-3) hakamlar qaroriga ko‘ra Neyt Diazni (21-13) mag‘lubiyatga uchratdi — (49-46, 49-46, 49-46);
- Bilol Muhammad (19-3) ochkolar hisobiga Demian Mayyadan (28-11) ustun keldi — (30-27, 29-28, 29-28);
- Pol Kreyg (15-4-1) 1-raunddagi texnik nokaut evaziga Jamal Hillni (8-1) yengdi.
- Bred Riddell hakamlar qaroriga ko‘ra Dryu Doberni mag‘lub etdi;
- Erik Anders hakamlar qaroriga ko‘ra Darren Styuartni taslim qildi;
- Loren Teylor hakamlar qarori evaziga Joan Kaldervudni yutdi;
- Movsar Yevloyev hakamlar qarori bilan Hakim Davoduni mag‘lub etdi;
- Panni Kianzad hakamlar qaroriga ko‘ra Aleksis Devistni taslim qildi;
- Terrens Makkini 1-raundda Mett Frevolani nokautga uchratdi;
- Stiven Peterson hakamlar qarori bilan Cheyz Huperdan ustun keldi.
Izoh (0)