Футбол бўйича Европа чемпионати гуруҳ босқичи 1-тури доирасида Нидерландия 13 июнь, якшанба куни Украина билан баҳс юритди.
Амстердамда ўтган беллашувда умумий ҳисобда 5 та гол урилди. Қатор ҳужумлардан кейин 52-дақиқада Жоржиньо Вейналдум ҳисобни очган бўлса, орадан ҳеч қанча ўтмасдан Ваут Вегорст орадаги фарқни оширди. Шундан сўнг украинлар кетма-кет иккита гол уриб, мувозанатни тиклашга муваффақ бўлди. Андрей Ярмоленко шедевр зарбаси билан дарвозабонни доғда қолдирган бўлса, Роман Яремчук стандарт вазиятда ўз номини таблога ёздириб қўйди. Бироқ ўйин якуни арафасида Дензел Думфрис ўйиндаги сўнгги голни уриб, «учар голландлар»га ғалаба келтирди.
Аввалроқ гуруҳнинг биринчи ўйинида Австрия Шимолий Македониядан устун келганди.
1-турдан кейин C гуруҳидаги ҳолат ва гуруҳ тақвими:
Евро—2020
Гуруҳ босқичи, 1-тур
13 июнь, якшанба
Нидерландия – Украина 3:2
Голлар: 1:0 – 52 Вейналдум, 2:0 – 58 Вегорст, 2:1 – 75 Ярмоленко, 2:2 – 79 Яремчук, 3:2 – 85 Думфрис.Нидерландия: Стекеленбург, Думфрис, де Врей, Блинд (Аке, 64), ван Анҳолт (Вейндал, 64), Вейналдум, де Йонг, де Рон, Тимбер (Велтман, 88), Депай (Мален, 90), Вегорст (де Йонг, 88).
Украина: Бушан, Забарний, Матвиенко, Миколенко, Караваев, Зинченко, Сидорчук, Зубков (Марлос, 13; Шапаренко, 64), Малиновский, Ярмоленко, Яремчук.
Огоҳлантириш: Сидорчук (90).
Изоҳ (0)