Yevro—2020 bahslari davom etadi. 13-iyun kuni C va D guruhidagi o‘yinlar bo‘lib o‘tadi. Angliya — Xorvatiya o‘yini 3-kun bahslarini boshlab bersa, Avstriya va Shimoliy Makedoniya o‘rtasidagi o‘yin davom ettiradi. 13-iyunga belgilangan o‘yinlarni Niderlandiya — Ukraina uchrashuvi yakunlab beradi.
Yevro—2020
1-tur bahsi
13-iyun, yakshanba
Angliya, London. “Uembli” stadioni
Angliya – Xorvatiya 18:00
Angliya
Angliya 2021-yildagi barcha 5 o‘yinida g‘alaba qozondiSautgeyt shogirdlari Yevro ishtirokchilari ichida eng yaxshi formadagi jamoa bo‘lib turibdi. Musobaqaga kelgunga qadar erishilgan g‘alabalar kelajakdagi muvaffaqiyat garovi bo‘lishi mumkin. Bir jihatni hisobga olish lozim, Angliya terma jamoasi hali jiddiy raqiblarga duch kelmadi. Levandovskisiz Polshani ham shu hisobga qo‘shish mumkin. Shunday bo‘lsa ham ularda o‘ziga bo‘lgan ishonch yuqori. Angliya guruh bosqichining yaqqol favoriti.
Angliya Xorvatiyaga qarshi o‘yinda haqiqiy mezbon sifatida ishtirok etadi
Angliyaning asosiy ustunligi Yevro—2020 ni o‘z uyida boshlashi. Xorvatiyaga qarshi o‘yin “Uembli”da bo‘lishini hisobga olsak, minglab muxlislarning qo‘llab-quvvatlashi inglizlarni ustunligini ta’minlaydi. Angliya xorvatlar bilan o‘z uyida 5 marta o‘yin o‘tkazgan bo‘lsa, faqat bittasida mag‘lubiyatga uchragan. Xorvatiyaliklar uchun “Uembli” yomon taassurot qoldirgan stadionlardan biri. 2009-yilda shu yerda Xorvatiya o‘z tarixidagi eng yirik mag‘lubiyatlardan birini (5:1) qabul qilgan.
Xorvatiya
Iste’dodli yoshlar judayam ko‘p, lekin tajribali futbolchilarga tayaniladiXorvatiya har yili futbol olamiga yangi yulduzlarni kashf etib beradigan mamlakatlardan biri. Ammo ularning terma jamoada porlab ketishi juda qiyin, ayniqsa murabbiy ularga ishonch bildirmasa. Zlatko Dalichning jamoasida yosh futbolchilar kam. Uni ustiga xorvatlarda avlodlar almashinuvi bo‘lishi kutilyapti. Dalich faxriy futbolchilardan maksimal darajada foydalanib qolmoqchi. Modrich, Perishich, Vida, Lovren kabi futbolchilar keyingi Yevroda ishtirok etmasligi mumkin.
Kramarich yoki Petkovich? Zlatko Dalich uchun asosiy savollardan biri
Xorvatiya terma jamoasida har bir pozitsiyada tanlov muammosi u qadar yuqori emas. Lekin hujum chizig‘ida ikkita bir xil darajadagi futbolchilar to‘p suradi. Murabbiy uchun yoqimli boshog‘riq bo‘lishi mumkin. Kramarich yoki Petkovich bo‘ladimi, har ikkisi ham raqib darvozabonlari uchun xavfli futbolchidir.
Murabbiylarning o‘yin oldidan fikrlari:
Xorvatiya — jangovar ruh, kuchli psixologiya va tajribali ijrochilarga ega jamoa. Ularga qarshi bahs jiddiy kechadi, lekin biz muvaffaqiyatga erishishimiz mumkinligini bilamiz. 2018-yilda Millatlar Ligasidagi Xorvatiyaga qarshi o‘yin (2:1) hali ham yodimizda. Juda qiyin o‘yin bo‘lgandi. O‘tgan o‘yinning bunisiga aloqasi yo‘q. Lekin bizni og‘ir sinov kutib turibdi.Garet Sautgeyt, Angliya terma jamoasi bosh murabbiyi
Imkoni boricha eng kuchli tarkibni maydonga tushiraman. Jamoamiz kuchli va biz hech kimdan qo‘rqmaymiz. Ha, Angliya tezkor, hujumda agressiv harakat qiladigan yuqori darajadagi jamoa. Qarshi hujumlardan maksimal foydalanishimiz zarur. Himoyaviy o‘ynashga majbur bo‘lsak-da, natijaga erishishga harakat qilamiz.Jamoalarning oxirgi 5 ta o‘yindagi natijasi:Zlatko Dalich, Xorvatiya terma jamoasi bosh murabbiyi
Avstriyaliklar musobaqadagi “kutilmagan mehmon”ga qarshi
Yevro—2020
1-tur bahsi
13-iyun, yakshanba
Ruminiya, Buxarest. “Milliy stadion”
Avstriya – Makedoniya 21:00
Avstriya terma jamoasi guruh bosqichidan uyog‘iga o‘ta olmasdi. Bu safar ularda imkoniyat bor. C guruhidagi raqiblari o‘zi bilan deyarli bir xil darajadagi terma jamoalar. Albatta, Niderlandiyani hisobga olmasa. Bir paytlar faqat David Alaba terma jamoaning mashhur futbolchisi bo‘lgan bo‘lsa, endi Arnautovich, Zabitser, Baumgartlinger kabi yulduzlari bor. Ularning raqibi musobaqaga “kutilmagan mehmon” sifatida tashrif buyurgan Makedoniya termasi. Makedoniyaliklar saralash bosqichida 3-o‘rinni egallagandi. Ammo Millatlar Ligasidagi ishtiroki tufayli o‘tish o‘yinlarida qatnashdi va Yevro—2020 yo‘llanmasini qo‘lga kiritdi. Makedoniyaliklar ham finlyandiyaliklar singari Yevro musobaqasida debyutini o‘tkazyapti.
Jamoalarning oxirgi 5 o‘yini natijalari:
Mavzuga doir: Yetakchisiz qolgan Niderlandiya. Kim tarixga kiradi: Ukraina, Avstriya yoki debyutant Makedoniya? Yevro—2020 C guruhi haqida
Parvozi o‘xshamayotgan “uchar gollandlar” Shevchenko jamoasiga qarshi
Yevro—2020
1-tur bahsi
13-iyun, yakshanba
Niderlandiya, Amsterdam. “Yohan Kroyff Arena”
Niderlandiya – Ukraina 00:00
Niderlandiya terma jamoasi saralash bosqichini ko‘tarinki kayfiyatda o‘tkazgan. Kuman shogirdlari (Ronald Kuman saralash bosqichida Niderlandiya bosh murabbiyi edi) faqatgina nemislarga mag‘lub bo‘lgandi. Kuman “Barselona”ga o‘tgach, uning o‘rnini Frenk de Bur egalladi. Murabbiy uchun katta muammo bor: Virjil van Deyk musobaqada ishtirok eta olmaydi. Jarohatidan tuzalmagan himoyachining o‘rnini bosish qiyin bo‘ladi. De Burning baxtiga guruh bosqichida nisbatan osonroq raqiblar tushdi. Birinchi uchrashuv Andrey Shevchenko boshchiligidagi Ukraina terma jamoasiga qarshi bo‘ladi. Ukraina saralash bosqichida Portugaliyadan ustun kelgandi. Shevchenko shogirdlari ham Yevroda yangi sahifa yaratish istagida.
Jamoalarning oxirgi 5 o‘yini natijalari:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)