Namangan shahrida to‘xtab turgan yuk mashinasida yong‘in sodir bo‘ldi, deya xabar qilmoqda YHXBB matbuot xizmati.
Namangan FVB matbuot xizmati xabariga ko‘ra, 2021-yilning 28-may kuni soat 17:36 larda Namangan shahri Hamroh ko‘chasida to‘xtab turgan “KamAZ” rusumli yuk avtomobilida yong‘in sodir bo‘lgan.
Yong‘in FVB xodimlari tomonidan bartaraf etilgan. Yong‘in oqibatida tan jarohati olganlar yo‘q. Transport vositasiga zarar yetgan.
Mazkur hodisa yuzasidan Namangan shahar IIB YHXB va FVB xodimlari tomonidan surishtiruv harakatlari olib borilib, yong‘in yuzaga kelish sabablariga aniqlik kiritilmoqda.
Bundan avval Yangiyo‘lda “KamAZ” yonib ketgani, O‘zbekistonda 2021-yil boshidan beri sodir bo‘lgan yong‘inlarda 46 kishi vafot etgani hamda Jizzaxning Tojikiston bilan chegaradosh hududidagi 15 gektar maydonda yong‘in sodir bo‘lgani haqida xabar berilgandi.
Izoh (0)