Yangiyo‘lda “KamAZ” yonib ketdi

Toshkent viloyati Yangiyo‘l tumanida harakatlanib ketayotgan yuk mashinasida yong‘in chiqdi, deya xabar bermoqda YHXBB matbuot xizmati.

Dastlabki ma’lumotlarga ko‘ra, 2021-yilning 26-may kuni soat 12:50 larda Toshkent viloyati Yangiyo‘l tumani “Nurobod” MFY hududidan o‘tgan M-39 avtomobil yo‘lining 830-kilometrida fuqaro S.T. boshqaruvidagi “KamAZ” rusumli yuk avtomobilida yong‘in yuzaga kelgan.

Yong‘in FVB xodimlari tomonidan bartaraf etilgan. Yong‘in oqibatida tan jarohati olgan fuqarolar yo‘q. Transport vositasiga zarar yetgan.

Mazkur hodisa yuzasidan Yangiyo‘l tumani IIB YHXB va FVB xodimlari tomonidan surishtiruv harakatlari olib borilib, yong‘in yuzaga kelish sabablariga aniqlik kiritilmoqda.

Bundan avval Qo‘qon shahridagi “zapravka”da portlash va yong‘in sodir bo‘lgani, Ohangaronda bir-biri bilan to‘qnashgan “KamAZ” va Lacetti to‘liq yonib ketgani hamda Toshkentda Howo yuk mashinasi ag‘darilib, yonib ketgani haqida xabar berilgandi.