Prezident Shavkat Mirziyoyev raisligida o‘tkazilayotgan yig‘ilishda davlat rahbari Uy-joy kommunal xizmat ko‘rsatish vazirligi huzurida maxsus jamg‘arma tashkil etilishini qayd etdi, deya xabar bermoqda “Daryo” muxbiri.
“Uy-joy kommunal xizmat ko‘rsatish vazirligi huzurida uylarni ta’mirlashni moliyalashtirish bo‘yicha maxsus jamg‘arma tashkil etiladi. Jamg‘arma mablag‘lari teng ulushlarda respublika va mahalliy budjet hisobidan shakllantiriladi.
Bunda ko‘p qavatli uylarni ta’mirlash xarajatlarining 30 foizi mulkdorlar tomonidan, qolgan 70 foizi esa jamg‘arma mablag‘laridan amalga oshiriladi. Ta’mirlash ishlari va sifat ustidan nazorat Uy-joy inspeksiyasiga yuklatiladi.
Mazkur maqsadlarga joriy yilda respublika va mahalliy budjetlardan 110 milliard so‘mdan, jami 220 milliard so‘m mablag‘ ajratiladi. Qolgan 100 milliard so‘mga aholi mablag‘lari jalb qilinadi”, – dedi Prezident.
Bundan avval Shavkat Mirziyoyev “Obod qishloq” va “Obod mahalla” dasturlari ijrosini tanqid qilgani, Prezident “Shaffof qurilish” tizimi orqali bir oyda qancha mablag‘ iqtisod qilinganini aytgani hamda Shavkat Mirziyoyev “Obod qishloq” va “Obod mahalla” dasturlarini amalga oshirishda qoloqliklar mavjud hududlarga Prezident Administratsiyasi va hukumat vakillarini biriktirgani haqida xabar berilgandi.
Izoh (0)