25-may kuni Xalq deputatlari Sariosiyo tumani Kengashining navbatdan tashqari sessiyasi o‘tkazildi, deb xabar beradi Surxondaryo viloyati hokimligi axborot xizmati.
Sessiya ishida Surxondaryo viloyati hokimi To‘ra Bobolov ishtirok etgan. Unda tumanni har tomonlama rivojlantirish yo‘lida amalga oshirilayotgan ishlar, qo‘lga kiritilgan yutuqlar, kelgusida bajarilishi lozim bo‘lgan ishlar haqida so‘z yuritilgan.
Sessiyada ko‘rilgan tashkiliy masalalar davomida O‘ktam To‘rayev boshqa ishga o‘tgani munosabati bilan Sariosiyo tumani hokimi lavozimidan ozod qilingan va uning o‘rniga viloyat hokimining o‘rinbosari, mahalla va oilani qo‘llab-quvvatlash boshqarma boshlig‘i Abdusalom Xo‘jaqulov Sariosiyo tumani hokimi etib tasdiqlangan.
Avvalroq Jobir Abdullayev Yangi Namangan tumani hokimi, Xayrulla Bozorovning birinchi o‘rinbosari Farg‘ona shahriga hokim etib tayinlangani to‘g‘risida xabar berilgandi.
Izoh (0)