25 май куни Халқ депутатлари Сариосиё тумани Кенгашининг навбатдан ташқари сессияси ўтказилди, деб хабар беради Сурхондарё вилояти ҳокимлиги ахборот хизмати.
Сессия ишида Сурхондарё вилояти ҳокими Тўра Боболов иштирок этган. Унда туманни ҳар томонлама ривожлантириш йўлида амалга оширилаётган ишлар, қўлга киритилган ютуқлар, келгусида бажарилиши лозим бўлган ишлар ҳақида сўз юритилган.
Сессияда кўрилган ташкилий масалалар давомида Ўктам Тўраев бошқа ишга ўтгани муносабати билан Сариосиё тумани ҳокими лавозимидан озод қилинган ва унинг ўрнига вилоят ҳокимининг ўринбосари, маҳалла ва оилани қўллаб-қувватлаш бошқарма бошлиғи Абдусалом Хўжақулов Сариосиё тумани ҳокими этиб тасдиқланган.
Аввалроқ Жобир Абдуллаев Янги Наманган тумани ҳокими, Хайрулла Бозоровнинг биринчи ўринбосари Фарғона шаҳрига ҳоким этиб тайинлангани тўғрисида хабар берилганди.
Изоҳ (0)