18-may kuni Florida politsiyasi avtobus bekatida 11 yoshli qizni o‘g‘irlab ketishga uringan erkakni qo‘lga qoldi. Qizcha hujum qilgan shaxsning qo‘lidan qutilib qolishga muvaffaq bo‘lib, uning yelkasiga ko‘k slaym (yopishqoq modda) surtib tashlagan. Bu orqali u politsiyachilarga jinoyatchini tezroq aniqlashda yordam bermoqchi bo‘lgan, deb xabar beradi Esquire.
Alissaning aytishicha, erkak unga pichoq bilan hujum qilgan. Uning so‘zlariga ko‘ra, ikki hafta oldin ham xuddi shu mashina yoniga kelgan va haydovchi uni gapga tutishga uringan.
Eskambia okrugi sherifi Chip Simmonsning so‘zlariga ko‘ra, 30 yoshli Jared Pol Stang shu kuniyoq ushlangan bo‘lib, uning qollari ko‘k slaym bilan qoplangan bo‘lgan. Stang voyaga yetmagan shaxsni o‘g‘irlashga urinish, hujum va mushkul holatda kaltaklash bo‘yicha ayblanmoqda.
Qizcha “Qonun va tartib: Maxsus korpus” kriminal teleseriali orqali dalillarning qanchalik muhim ahamiyatga ega ekanini bilishini aytgan. Teleserial yulduzi Marishga Xargitey o‘zining Instagram’dagi sahifasi orqali Alissani maqtab, o‘zini uning asosiy muxlisi ekanini yozgan. “Bu kabi g‘ayrioddiy voqeaning bir qismi bo‘lish men uchun katta sharaf”, — deydi aktrisa.
Izoh (0)