BBC jurnalisti Anna Holligan ishga to‘rt yashar qizi Zena bilan birga borishga majbur bo‘lgan. Bolalar aravachasida o‘tirishdan zerikkan qizaloq “Yevrovideniye” haqida reportaj tayyorlayotgan onasining e’tiborini jalb qilishga uringan.
O‘zini bosishga va monologdan adashib ketmaslikka harakat qilgan Holligan rolik so‘ngida kulib yuborgan. Anna Twitter sahifasida ish vaqtida bolaga qarashga to‘g‘ri kelishi haqida yozib qoldirgan.
Zena bilan omadsiz chiqqan dubllar reportajdan o‘rin olmaganiga qaramay, jurnalist kesib olingan roliklar bilan bo‘lishishga qaror qilgan. Shundan keyin aksariyat ayollar uning karyerasidan voz kechmay, bola katta qilayotganiga qoyil qolgan.
U avvallari qizini ishga olib kelish qiyinroq bo‘lgani, ammo pandemiyadan keyin bunday ishchilarga bo‘lgan munosabat o‘zgarganini ma’lum qilgan.
“Men endi uni yashirishim kerak deb tashvishlanmayman. Endi u mening oldimda ekani sabab uzr so‘rashim kerakdek tuyulmaydi”, — deb qo‘shimcha qilgan u.
Mavzuga doir:
- BBC boshlovchisi jonli efir paytida maxfiy belgini tomoshabinlarga yetkazdi
- Amerikada teleboshlovchi koronavirus haqida gapirayotganida yig‘lab yubordi (video)
- Qozog‘istonlik jurnalist karantin tufayli jonli efirda sevgan qizining qo‘lini so‘radi (video)
- Karantin tufayli uyidan efirga chiqayotgan jurnalistning otasi lavhani buzib qo‘ydi (video)
Izoh (0)