АҚШда 11 ёшли қиз ўзига ҳужум қилган эркакдан қутилиб қолди. У жиноятчини топиш осон бўлиши учун эркакка кўк слайм суртиб қўйган

18 май куни Флорида полицияси автобус бекатида 11 ёшли қизни ўғирлаб кетишга уринган эркакни қўлга қолди. Қизча ҳужум қилган шахснинг қўлидан қутилиб қолишга муваффақ бўлиб, унинг елкасига кўк слайм (ёпишқоқ модда) суртиб ташлаган. Бу орқали у полициячиларга жиноятчини тезроқ аниқлашда ёрдам бермоқчи бўлган, деб хабар беради Esquire.

Видеодан кўриш мумкинки, эркак оқ машинасини йўл четига тўхтатган ва 11 ёшли Алисса Боналнинг олдига югуриб келган. У қизни қучоқлаб, машинага мингизишга уринган, бироқ Алисса унинг қўлидан қочиб чиққан. Шундан сўнг, жиноятчи машинага ўтириб, кетиб қолган.

Алиссанинг айтишича, эркак унга пичоқ билан ҳужум қилган. Унинг сўзларига кўра, икки ҳафта олдин ҳам худди шу машина ёнига келган ва ҳайдовчи уни гапга тутишга уринган.

Эскамбиа округи шерифи Чип Симмонснинг сўзларига кўра, 30 ёшли Жаред Пол Станг шу куниёқ ушланган бўлиб, унинг қоллари кўк слайм билан қопланган бўлган. Станг вояга етмаган шахсни ўғирлашга уриниш, ҳужум ва мушкул ҳолатда калтаклаш бўйича айбланмоқда.

Қизча «Қонун ва тартиб: Махсус корпус» криминал телесериали орқали далилларнинг қанчалик муҳим аҳамиятга эга эканини билишини айтган. Телесериал юлдузи Маришга Харгитей ўзининг Instagram’даги саҳифаси орқали Алиссани мақтаб, ўзини унинг асосий мухлиси эканини ёзган. «Бу каби ғайриоддий воқеанинг бир қисми бўлиш мен учун катта шараф», — дейди актриса.