“Toshkent 5 tashabbus harakati” yoshlar festivalining ikkinchi kuni doirasida xalq ta’limi vaziri Sherzod Shermatov yoshlar bilan ochiq muloqot qildi. Unda ta’lim tizimiga oid qator savollar muhokamasi davomida STEM fanlar (ilm-fan, texnologiya, muhandislik va matematika yo‘nalishlari) bo‘yicha ingliz tilidagi adabiyotlarni o‘qish, buning uchun esa, albatta, ingliz tilini o‘rganish zarurligi ta’kidlandi.
Dasturlash bo‘yicha yaxshi mutaxassis bo‘lmoqchi bo‘lganlar, albatta, ingliz tilini o‘rganishi kerak. Masalan, IT bo‘yicha eng yaxshi yangiliklar qayerda chiqadi? O‘sha mashhur “Kremniy vodiysi”da. U yerdan 2 yil deganda ruschaga tarjima qilinadi, keyin o‘zbekchaga. Orada 4 yil o‘tib ketadi. Bu dasturlash bo‘yicha 4 yil orqada qolamiz degani. Agar bizda IT’ga oid yangi kitob chiqsa, bu aslida 4 yilga eskirgan kitob bo‘ladi. Shuning uchun dasturlash, umuman, STEM fanlar bo‘yicha bevosita ingliz tilidagi kitoblarni o‘qishga o‘tishimiz kerak. Boshqa yo‘nalishlarda esa, albatta, tarjimonlarni kuchaytirish lozim.Eslatib o‘tamiz, avvalroq O‘zbekistonda Xorijiy tillarni o‘rganishni ommalashtirish agentligi tashkil etilishi, maktab o‘qituvchilariga yangi adabiyot va qo‘llanmalarni sotib olish uchun budjetdan 1 million so‘mdan mablag‘ ajratilishi, JIDUda BMT bilan hamkorlikda Chet tillarini chuqur o‘rgatish markazi tashkil etilishi, O‘zbekistondagi ta’lim maskanlariga xorijlik o‘qituvchilar jalb qilinishi, chet tillari bo‘yicha yuqori ko‘rsatkichlarga erishgan maktablar uchun Prezident sovrini ta’sis etilishi haqida ham xabarlar chiqqan edi.Sherzod Shermatov, Xalq ta’limi vaziri
Mavzuga doir:
- O‘zbekistondagi o‘zga tilli sinflarda o‘zbek tili chet tili kabi o‘rgatiladi
- O‘zbekistonda 2021-yilda 30 ta yangi maktab quriladi, bolaga ortiqcha yuklama bermaydigan “Milliy o‘quv dasturi” joriy etiladi
- Respublika ta’lim markazi direktori maktablarda joriy qilinayotgan Science fani qaysidir fandan voz kechish evaziga kiritilmayotganini aytdi
Izoh (0)