«Тошкент 5 ташаббус ҳаракати» ёшлар фестивалининг иккинчи куни доирасида халқ таълими вазири Шерзод Шерматов ёшлар билан очиқ мулоқот қилди. Унда таълим тизимига оид қатор саволлар муҳокамаси давомида STEM фанлар (илм-фан, технология, муҳандислик ва математика йўналишлари) бўйича инглиз тилидаги адабиётларни ўқиш, бунинг учун эса, албатта, инглиз тилини ўрганиш зарурлиги таъкидланди.
Дастурлаш бўйича яхши мутахассис бўлмоқчи бўлганлар, албатта, инглиз тилини ўрганиши керак. Масалан, IT бўйича энг яхши янгиликлар қаерда чиқади? Ўша машҳур «Кремний водийси»да. У ердан 2 йил деганда русчага таржима қилинади, кейин ўзбекчага. Орада 4 йил ўтиб кетади. Бу дастурлаш бўйича 4 йил орқада қоламиз дегани. Агар бизда IT’га оид янги китоб чиқса, бу аслида 4 йилга эскирган китоб бўлади. Шунинг учун дастурлаш, умуман, STEM фанлар бўйича бевосита инглиз тилидаги китобларни ўқишга ўтишимиз керак. Бошқа йўналишларда эса, албатта, таржимонларни кучайтириш лозим.Эслатиб ўтамиз, аввалроқ Ўзбекистонда Хорижий тилларни ўрганишни оммалаштириш агентлиги ташкил этилиши, мактаб ўқитувчиларига янги адабиёт ва қўлланмаларни сотиб олиш учун бюджетдан 1 миллион сўмдан маблағ ажратилиши, ЖИДУда БМТ билан ҳамкорликда Чет тилларини чуқур ўргатиш маркази ташкил этилиши, Ўзбекистондаги таълим масканларига хорижлик ўқитувчилар жалб қилиниши, чет тиллари бўйича юқори кўрсаткичларга эришган мактаблар учун Президент соврини таъсис этилиши ҳақида ҳам хабарлар чиққан эди.Шерзод Шерматов, Халқ таълими вазири
Мавзуга доир:
- Ўзбекистондаги ўзга тилли синфларда ўзбек тили чет тили каби ўргатилади
- Ўзбекистонда 2021 йилда 30 та янги мактаб қурилади, болага ортиқча юклама бермайдиган «Миллий ўқув дастури» жорий этилади
- Республика таълим маркази директори мактабларда жорий қилинаётган Science фани қайсидир фандан воз кечиш эвазига киритилмаётганини айтди
Изоҳ (0)