Angliya Premyer Ligasida aprel oyining eng yaxshi o‘yinchisi va murabbiyi aniqlandi

Angliya Premyer Ligasida aprel oyining eng yaxshilari aniqlandi. Bu haqda APL matbuot xizmati ma’lum qildi.

“Vest Hem” hujumkor yarim himoyachisi Jessi Lingard oyning eng yaxshi o‘yinchisi deb topildi. Angliyalik futbolchi o‘tgan oyda to‘rtta o‘yin o‘tkazib, 4 ta gol va bitta golli uzatmaga mualliflik qilgandi. Shuningdek, Lingardning “Vulverhempton”ga urgan goli oyning eng chiroyli goli deb topildi.

Shu tariqa Lingard ketma-ket uchinchi marta APLda oyning eng yaxshi o‘yinchisi deb topildi.

• Trent Aleksander-Arnold (“Liverpul”) — 4 o‘yinda gol va 2 ta assist;
• Styuart Dallas (“Lids”) — 4 o‘yinda 2 ta gol;
• Meyson Grinvud (“Manchester Yunayted”) — 4 o‘yinda 4 gol va assist;
• Kelechi Iheanacho (“Lester”) — 5 o‘yinda 4 gol va 2 assist;
• Mateus Pereyra (“Vest Bromvich”) — 4 o‘yinda 4 ta gol va 2 ta assist;
• Allan Sen-Maksimen (“Nyukasl”) — 4 o‘yinda gol va assist;
• Kris Vud (“Byornli”) — 4 o‘yinda 4 ta gol va 3 ta assist.

“Nyukasl” ustozi Stiv Bryus esa aprel oyining eng yaxshi murabbiyi bo‘ldi. Bryus qo‘l ostidagi jamoa oy davomidagi 4 o‘yinda 2 ta g‘alaba va ikkita durang qayd etdi.

Ushbu sovrin uchun yana uch murabbiy da’vogar bo‘lgandi:

• Ole-Gunnar Sulsher (“Manchester Yunayted”) — 4 o‘yinda 3 ta g‘alaba va durang;
• Marselo Byelsa (“Lids”) — 4 o‘yinda 2 ta g‘alaba va 2 ta durang;
• Sem Ellardays (“Vest Bromvich”) — 4 o‘yinda 2 ta g‘alaba, durang va mag‘lubiyat;