Англия Премьер Лигасида апрель ойининг энг яхши ўйинчиси ва мураббийи аниқланди

Англия Премьер Лигасида апрель ойининг энг яхшилари аниқланди. Бу ҳақда АПЛ матбуот хизмати маълум қилди.

«Вест Ҳэм» ҳужумкор ярим ҳимоячиси Жесси Лингард ойнинг энг яхши ўйинчиси деб топилди. Англиялик футболчи ўтган ойда тўртта ўйин ўтказиб, 4 та гол ва битта голли узатмага муаллифлик қилганди. Шунингдек, Лингарднинг «Вулверҳэмптон»га урган голи ойнинг энг чиройли голи деб топилди.

Шу тариқа Лингард кетма-кет учинчи марта АПЛда ойнинг энг яхши ўйинчиси деб топилди.

• Трент Александер-Арнольд («Ливерпуль») — 4 ўйинда гол ва 2 та ассист;
• Стюарт Даллас («Лидс») — 4 ўйинда 2 та гол;
• Мэйсон Гринвуд («Манчестер Юнайтед») — 4 ўйинда 4 гол ва ассист;
• Келечи Иҳеаначо («Лестер») — 5 ўйинда 4 гол ва 2 ассист;
• Матеус Перейра («Вест Бромвич») — 4 ўйинда 4 та гол ва 2 та ассист;
• Аллан Сен-Максимен («Ньюкасл») — 4 ўйинда гол ва ассист;
• Крис Вуд («Бёрнли») — 4 ўйинда 4 та гол ва 3 та ассист.

«Ньюкасл» устози Стив Брюс эса апрель ойининг энг яхши мураббийи бўлди. Брюс қўл остидаги жамоа ой давомидаги 4 ўйинда 2 та ғалаба ва иккита дуранг қайд этди.

Ушбу соврин учун яна уч мураббий даъвогар бўлганди:

• Оле-Гуннар Сульшер («Манчестер Юнайтед») — 4 ўйинда 3 та ғалаба ва дуранг;
• Марсело Бьелса («Лидс») — 4 ўйинда 2 та ғалаба ва 2 та дуранг;
• Сем Эллардайс («Вест Бромвич») — 4 ўйинда 2 та ғалаба, дуранг ва мағлубият;