Futbol bo‘yicha Ispaniya La Ligasining 36-turida “Real” 13-may, payshanba kuni “Granada”ni qabul qildi.
Uchrashuvning 17-daqiqasida Luka Modrich madridliklarni oldinga olib chiqqan bo‘lsa, birinchi bo‘limga qo‘shib berilgan vaqtda Rodrigo Goes ikkinchi golni urdi.
71-daqiqada Xuan Molina mezbonlarning kam sonli hujumlaridan birini golga aylantirdi. Biroq “Real” bunga tezda ikkita to‘p bilan javob qaytardi. 75-daqiqada Eden Azarning uzatmasidan keyin Alvaro Odriosola darvozani ishg‘ol qildi. Oradan bir daqiqa o‘tib, Karim Benzema darvozabonning qo‘pol xatosidan keyin Madrid klubining to‘rtinchi golini urdi va o‘yinga mantiqiy nuqtani qo‘ydi.
Ushbu g‘alabadan keyin “Real” ochkolarini 78 taga yetkazib oldi va ikkinchi o‘ringa qaytdi. Zinedin Zidan jamoasi peshqadam “Atletiko”dan 2 ochkoga ortda qolmoqda.
La Liga
36-tur bahslari
13-may, payshanba
“Granada” — “Real Madrid” 1:4
Gollar: 0:1 – 17 Modrich, 0:2 – 45 Rodrigo, 1:2 – 71 Molina, 1:3 – 75 Odriosola, 1:4 – 76 Benzema.“Granada”: Ruy Silva, Fulke, Kini, Xerman Sanches (Peres, 81), Duarte, Puertas (Marin, 67), Viko (Soro, 54), Eteki (Kina, 67), Gonalon, Machis (Suares, 54), Molina.
“Real Madrid”: Kurtua, Nacho, Migel Gutyerres, Militao, Valverde (Isko, 62), Kazemiro, Marvin (Odriosola, 46), Rodrigo (Asensio, 62), Modrich, Vinisius Junior (Azar, 62), Benzema (Mariano Dias, 77).
Ogohlantirishlar: Militao (38), Molina (41), Modrich (49), Eteki (53), Nacho (63), Kina (72).
“Valyadolid” — “Vilyarreal” 0:2
Gollar: 0:1 – 68 Xerar Moreno, 0:2 – 90 Kapu.“Eybar” — “Betis” 1:1
Gollar: 0:1 – 4 Guardado, 1:1 – 83 Enrik.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)