“Manchester Yunayted” Premyer Liga qoldirilgan 34-turi doirasida “Liverpul”ga qarshi bahs olib bordi va 2:4 hisobida mag‘lub bo‘ldi.
Mankunianlarning o‘yindagi dastlabki goliga Brunu Fernandesh muallif bo‘ldi. Bu portugaliyalik futbolchi uchun 2020/21-yilgi mavsumdagi 28-gol bo‘ldi.
Fernandesh APL yarim himoyachilari ichida bir mavsumda barcha musobaqalar doirasida gol urish bo‘yicha rekord natijani qayd etdi.
Bu borada Brunu “Chelsi” sobiq yarim himoyachisi Frenk Lempardning natijasini yaxshiladi. Angliyalik sobiq futbolchi 2009/10-yilgi mavsumda barcha musobaqalar doirasida 27 ta gol urgandi.
Fernandesh Angliya chempionati joriy mavsum to‘purarlari ro‘yxatida faqat Harri Keyn va Muhammad Salohdan (ikkisida ham 21 ta gol) ortda qolmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)